Sa wakas ay may nailabas na rin! :) Dahil medyo natagalan ang paglabas ng episodes, aba dapat sa pagkakataong ito, madami agad! And because we love SIX (do you love six, too?), here are 6 episodes for you! Enjoy and please feel free to comment!
(Kung nais i-download ang mp3 files at Windows ang gamit, paki-right click ang link tapos Save As. Hindi kami sure paano kapag Mac, hehe, sorry! If you're a Mac user, patulong naman kami. Pakisulat sa comment section kung ano ang steps. Salamat!)
Episode 18: Sunud-sunod na blow, sunud-sunod na jab!
Topic: Exercise Psychology
Special Guest: Prof. Jonathan Cagas (mula sa College of Human Kinetics, UP Diliman)
Sa pagpapatuloy ng "Psych o' Clock Habit and our HOT, HOT Friends," nakakwentuhan natin si Prof. Jon Cagas na hindi lang isa sa mga pinakamahusay na yogi ng bansa, isa rin siyang researcher at teacher sa larangan ng Exercise Psychology!
Inalam natin: ano bang physical activity ang pwedeng ma-consider na exercise? Bakit yun importante at ano ang benefits nito? May exercise ba na pwede gawin pero hindi ka papawisan? Hihi.
Episode 19: Paano mo gustong maibaon?
Topic: Mga kwento sa (ilalim ng mga) sementeryo!
Special Guest: Dr. Grace Barretto-Tesoro (mula sa Archaeological Studies Program, UP Diliman)
Sa pagpapatuloy ng "Psych o' Clock Habit and our HOT, HOT Friends," nakakwentuhan natin ang isa sa apat na may PhD sa archaeology dito sa Pilipinas at isa sa aminadong "gusgusin" at "professional digger": si Dr. Grace Barretto-Tesoro (whatta-superstar)!
Inalam natin: ano nga ba ang inaaral sa archaeology? Gaano kahalaga ang paghuhukay sa larangan na ito? Bakit importante pag-aralan ang mga sementeryo? Ano ang malalaman natin sa pag-aaral ng burial sites?
Episode 20: Masarap kumain, masarap ding magpakain
Topic: Food, pleasure & culture
Special Guest: Prof. Walter Robles (a.k.a Ser Wali mula sa Department of Hotel, Restaurant & Institution Management, UP Diliman)
Para sa finale ng "Psych and our HOT, HOT friends" tinakam tayo ni Ser Wali sa usapang pagkain!
Inalam natin: Anong halimbawa ng mga pagkaing "best of the region?" Kamusta ang paghahanda ng pagkain "as a profession?" Paano nagiging source ng sarap ang pagkain para sa dalawang tao, sa barkada, at sa mga Pilipino?
Episode 21: We all love to Pac!
Topic: Pacquiao effect
Special Guests: Prof. Adrianne John "AJ" Galang (mula sa DLSU at UP Diliman) at Prof. Diwa Malaya "Diwa" Quinones (mula sa Psychology Department, UP Diliman)
Pagkatapos ma-feature sa frontpage ng isang sikat na broadsheet ang mga pag-aaral nila, pumayag sina AJ at Diwa na ikwento sa atin kung ano nga ba ang mga natuklasan nila tungkol sa pagka-Pilipino.
Inalam natin: Meron ba talagang Pacquiao effect at ano ba talagay yun? May epekto ba yung mga laban ni Pacquiao sa pagtingin natin sa mga sarili natin bilang Pilipino? Nagiging mas proud ba tayong maging Pinoy pagkatapos ng laban niya?
Episode 23: May problema ba ang mga T sa mga K?
Topic: Risa Hontiveros at ang RH Bill
Special Guest: (ang nag-iisa at idolo naming si) RISA HONTIVEROS
Isang maaga at MAGANDANG Pasko talaga ang naganap sa Psych o' Clock Habit! Bumisita ang champion of women's rights & good governance, former Akbayan Rep. Risa Hontiveros! (Ang cute daw ng pamagat ng show sabi niya! Hihi). Hanggang ngayon di pa rin kami makapaniwala na naganap talaga ang 28 minutong iyon sa kasaysayan ng PoCH!
At siyempre, hindi na kami magpapaligoy-ligoy pa: Ipasa ang RH Bill!
Episode 24: Ngayong Pasko, wala munang magsasarili
Topic: A secular Christmas celebration
Special Guests: Bea Torre, Red Tani, Liz Diaz & Garrick Bercero
Isang alternative Christmas presentation ang handog ng Psych o' Clock Habit kasama ang masarap kakwentuhang Filipino Freethinkers!
Inalam natin: Sinu-sino ba ang mga Filipino Freethinkers at bakit ang cool nila? Paano mag-celebrate ng Pasko ang mga hindi Katoliko? Ano man ang paniniwalaan mo, ano nga ba ang diwa ng Pasko?
'Wag kalimutan, live episodes tuwing Thursday, 6-7 pm sa DZUP 1602 AM
Livestreaming: dzup.org
Follow us on Twitter: @pochofficial
